Футбол бўйича Европа чемпионатида иштирок этадиган барча терма жамоалар якуний рўйхатни эълон қилишди.
Мусобақада «Челси» ва «Манчестер Сити» клубларидан энг кўп ўйинчи қатнашиши маълум бўлди. Англиянинг мазкур клублари турнирга 15 нафардан футболчи тақдим этишди.
"Бавария"нинг 14 нафар ўйинчиси Евро-2020га борса, "Ювентус"дан 12 футболчи қитъа чемпионатида иштирок этади. Кейинги ўринларни эса «Динамо Киев» ва «Манчестер Юнайтед» клублари эгаллашди — 11 нафардан.
Эслатиб ўтамиз, мусобақа 11 июнь куни Италия ва Туркия терма жамоалари ўртасидаги баҳс билан бошланади.
