"Ювентус" янги бош мураббийи Массимилиано Аллегри раҳбарият билан ёзги трансфер учун режаларни муҳокама қилди.

Goal.com тарқатган хабарга кўра, томонлар ҳужумчи Криштиану Роналду мавзусига ҳам тўхталишган. Португалиялик футболчи клубдан кетиш тараддудига тушганини раҳбарият билади. Шу боис, Аллегри форварднинг келажаги билан боғлиқ масала тезроқ ҳал этилишини истамоқда.

Бундан ташқари, томонлар Пауло Дибаланинг келажагини муҳокама қилишди. Аргентиналик футболчининг амалдаги шартномаси 2022 йилнинг ёзида якунига етади. Раҳбарият у билан келишувни узайтиришни, Аллегри эса Дибала Роналдунинг соясидан чиқишини истамоқда.

Роналду жорий мавсумда барча мусобақалар доирасида 44та учрашувда майдонга тушиб, 36та гол урди ва 5та голга узатма берди. Дибала эса 26та баҳсда 5та гол ва 3та ассист муаллифига айланди.