Қозоннинг "Рубин" клуби матбуот хизмати Қурбое Бердиевнинг истеъфо сўрагани ҳақидаги хабарни инкор қилди.

Клуб матбуот бўлими бошлиғи Максим Лопухов Бердиевнинг клубни тарк этаётгани борасидаги миш-миш қаердан пайдо бўлганини тушунмаётганини айтиб ўтди. "Рубин" Европа лигаси доирасидаги муҳим ўйин учун тайёргарлик кўраётган бир пайтда, Бердиевнинг кетиши ақлга сиғмас экан.

Матбуот хизматининг маълум қилишича, бугун куннинг иккинчи ярмида клуб раҳбарлари йиғилиш ўтказиб, 2012 йил учун бюджет ва янги футболчиларнинг трансфер масалаларини ҳал этиб олишади.