Бразилия терма жамоаси футболчилари Америка Кубоги ўз мамлакатларида ўтказилишини истамайдилар. Европа чемпионатларида ўйнаётган бразилиялик футболчилар, айниқса, ушбу бу қарордан норози. Бунга норозилик сифатида, жамоа сардори Каземиро Эквадорга қарши ўйиндан олдин матбуот анжуманига келмади.

"Бизнинг футболчиларнинг ўз фикри бор. Улар буни аллақачон мамлакат Президентига билдиришган ва яқин орада жамоатчиликка эълон қилишади. Айнан шу сабабли жамоамиз сардори бугун йўқ ", - дея Globo Esporte журналистлари Бразилия терма жамоаси бош мураббийи Тите сўзларини келтирди.