Бу йил Америка Кубоги ҳам бўлиб ўтиши лозим. Бу ҳам 2020 йилдан кўчирилган турнир. Сабаблар ўша-ўша – коронавирус!
Аввалбошдан турнир Колумбия ва Аргентинада ўтиши лозим эди. Бироқ Колумбиядаги сиёсий вазият боис бу мамлакат “ўйин”дан чиқиб кетди. Ўтган ой Аргентинадаги пандемик вазият жиддийлашиб кетиши ортидан бу мамлакат ҳам мезбон мақомида айрилди.
Фавқулодда ҳолат – мусобақа бор-у, мезбон йўқ. Бундай вақт халқаро спорт турнирларини ўзида қабул қилиб кўзи пишиб кетган Бразилия катта саҳнага чиқиб мезбонликни қабул қилиб олди. Дарвоқе, 2019 йилда ҳам бу қитъанинг энг муҳим турнири шу ерда ўтганди.
СONMEBOL мусобақадаги барча футболчилар-у, мураббийлар ҳамда иштирокчилар коронавирусга қарши эмланган бўлишини асосий талаб сифатида қўймоқда. The Guardian нашрининг ёзишича, Хитойнинг Sinovac компанияси вакцияналари турнир ташкилотчиларига етиб келишига Лионель Месси асосий сабабчилардан бири бўлди. Гап шундаки, Хитой томони билан вакцина бўйича музокаралар вақтнинг ўта тиғиз экани боис берк кўчага кириб қолганди. Айни шу вақт Лео дастхати туширилган 3 футболкани Sinovac компанияси раҳбариятига юборади. Бундай туҳфадан ўзгача руҳланган хитойликлар жараённи тезлатишга ва 50 000 дона вакцинани ўз вақтида юборишга вада беришган.
Адолат ўрнида Мессининг ўзи бу маълумотни тасдиқламаганини ҳам айтиб ўтиш лозим, аммо у буни инкор ҳам этмаган. Жанубий Америка ОАВ эса бу ҳақда жуда кўп хабарларни тарқатишмоқда.
Ориф Толипов
