Аргентина сардори Лионель Месси ва уругвайлик ҳужумчи Луис Суарес Америка кубогини бузиш хавфи ҳақида гаплашди.
Эслатиб ўтамиз, Бразилия терма жамоаси бошқа иштирокчиларни ҳам шунга ишонтириш ниятида мусобақани биринчи бўлиб бойкот қилган эди.
Журналист Себас Жованеллининг сўзларига кўра, Месси Суаресдан уругвайликлар Америка кубогида иштирок этишдан бош тортадими, деб сўраган. Луис бундай имконият бор, деб жавоб берди, аммо Уругвай эҳтимолий бойкотда етакчилик қилмоқчи эмас.
Турнир Колумбиядаги сиёсий нотинчликлар ва Аргентинадаги коронавирус пандемияси билан боғлиқ оғир вазият туфайли Бразилияга кўчирилди, аммо "пентакампион" футболчилари ўз мамлакатларидаги эпидемиологик вазият бундан яхши эмас деб ҳисоблашади.
