«Ювентус» ёзги трансферлар вақтида «Фиорентина» марказий ҳимоячиси Никола Миленковични сотиб олиши мумкин.
La Gazzetta dello Sport хабарига кўра, «кекса синёра»нинг янги бош мураббийи Массимилиано Аллегри 23 ёшли футболчини сотиб олишга розилик берган.
Сербиялик «Ювентус»да ўйин амалиёти камлигидан норози бўлган Мериҳ Демиралнинг ўрнини эгаллаши режалаштирилган.
Ўтган мавсумда Миленкович «Фиорентина» таркибида 37 та ўйин ўтказиб, 3 та гол урди ва 1 та голли узатмани амалга оширди. Унинг баҳоси 25 миллион еврони ташкил этади.
