«Реал» президенти Флорентино Перес Европа Суперлигаси лойиҳасини бутунлай йўқ қилишга мажбур қилинмоқда.
ESPN хабарига кўра, Премьер-лига клублари турнирнинг расмий ёпилишини исташяпти. «Манчестер Сити», «Манчестер Юнайтед», «Челси», «Ливерпуль», «Тоттенхем» ва «Арсенал» бу борада қўшма баёнот тайёрлаган.
Олтита инглиз жамоасининг мурожаатидан сўнг Пересга Суперлиганинг барча иштирокчиларини йиғиш учун икки-тўрт ҳафта вақт керак бўлади.
Умумий йиғилишда таъсисчи клублар ташкилотни тарқатиб юбориш учун овоз беришлари мумкин. Агар «Реал» президенти лойиҳани ёпишдан бош тортса, эҳтимол у судга берилиши мумкин.
