"Аталанта" "Болонья"нинг япониялик ҳимоячиси Такехиро Томиясу билан шартнома имзолашни режалаштирмоқда. Бу ҳақда журналист Николо Скира маълум қилди. Манбанинг хабарига кўра, Бергамо клуби футболчига 5 йиллик шартнома таклиф қилмоқда.
Тугатилган Италия чемпионатида 22 ёшли Томиясу "Болонья" таркибида 31 учрашувда майдонга тушиб, иккита гол урди ва тўртта сариқ карточка ишлаб олди. Трансфермаркт портали футболчини 20 миллион еврога баҳоламоқда. Томиясунинг "Болоня" билан амалдаги шартномаси 2024-йилгача амал қилади.