Римнинг «Рома» клуби ёзги трансферлар ойнасида 15 нафар футболчиси билан хайрлашиши мумкин, деб хабар беради La Gazzetta dello Sport.
Манбанинг хабарига кўра, Италия клуби раҳбарияти футболчиларнинг иш ҳақларини камайтириш ниятида. «Рома» бош мураббийи Жозе Моуриньо Хавьер Пасторе (йилига 4,5 миллион евро), Давиде Сантона (2,2 млн), Федерико Фасио (2 миллион евро), Пау Лопес (2,5), Карлес Перес (2) ва Амаду Диавара (2,5 млн)лар билан ҳисоблаша олмаяпти.
Бундан ташқари, «Рома»да ўтган мавсумда бошқа клубларда ижарада ўйнаган футболчилар истеъфога чиқарилиши мумкин. Улар: Алессандро Флоренци (3), Робин Ольсен (2,5), Стивен Нзонзи (3), Жастин Клюйверт (2,6) ва Чэнгиз Ундер (2,2).
