«Рома» яримҳимоячиси Жастин Клюйверт Рим клубига қайтиши мумкин.
Футболчи сўнгги мавсумни Германиянинг «Лейпциг» жамоасида ижарада ўтказди. Италян матбуоти хабарига кўра, римликларнинг янги мураббийи Жозе Моуриньо ёш вингер билан ишлашга қизиқиш билдирмоқда.
Transfermarkt 22 ёшли Клюйвертни 16 миллион еврога баҳоламоқда. Олдинроқ «Лейпциг» футболчининг тўлиқ ҳуқуқини «Рома»дан сотиб олмоқчи бўлганлиги ҳақида хабар берилган эди.
Якунланган мавсумда Клюйверт «Лейпциг» таркибида 29 учрашув ўтказиб, 4 гол урди ва битта голли узатмани амалга оширди.