Италия терма жамоаси ҳужумчиси Чиро Иммобиле Евро-2020 мусобақасининг Туркияга қарши очилиш учрашуви (3:0) натижалари ҳақида фикр билдирди.

«Мухлисларимиз бошидан кечирган барча нарсалардан кейин хурсанд бўлишларини хоҳлагандик. Шунча вақтдан сўнг биз бирлашдик, барчаси шу лаънати вирус туфайли.

Бугун биз сабр-тоқат кўрсатдик деб ўйлайман. Туркия кўплаб етакчи терма жамоаларга муаммо туғдирган кучли жамоа.

Биринчи бўлимда, тўпни қанотдан қанотга ўтказиб, бизни чарчатишга ҳаракат қилиб кўришди.
Биз эса доимги ўйинимизни давом эттирдик, айниқса ҳаводадан тўп узатишни. Аммо танаффусдан кейин турклар кўпроқ чарчашди, биринчи голдан сўнг улар ўз зоналарни тарк этишни бошладилар ва бу ерда биз учун яна гол уришга имкониятлар пайдо бўлди», - дейди Иммобиле.