"Эвертон" "Реал" устозига айланган Карло Анчелотти ўрнига ўринбосар топди. Яқин кунларда у расман "ирислар"ни бошқариши мумкин, деб ёзади твиттерда журналист Фабрицио Романо. 47 ёшли Эспирито Санту учун сўнгги иш жойи у 2017-йилдан бери бошқариб келаётган "Вулверхэптон" бўлди.
Бунгача мутахассис "Порту", "Валенсия" ва "Рио-аве"ни бошқарган. Санту билан "бўрилар" биринчи мавсумда чемпионатни тарк этишди ва у ерда дарҳол ўз ўрнини эгаллашга муваффақ бўлишди. Якунланган мавсумда "Вулверхэптон" 45 очко билан 13-ўринни эгаллади.
Олдинроқ Эспирито Санту Англия Премьер-лигасининг бошқа клуби - "Кристал Пэлас"да иш бошлашга яқин тургани ҳақида хабар берилган эди. Бироқ, томонлар битимнинг молиявий таркибий қисми тўғрисида келиша олмадилар.
