"Ювентус" дарвозабони Жанлуижи Буффон фаолиятини Испанияда давом эттириши мумкин. Бу ҳақда Tuttomercatoweb нашри томонидан хабар берилган. Манбанинг хабарига кўра 43 ёшли италиялик киперни "Атлетико" ва "Барселона" ўз сафига қўшиб олмоқчи. Шунингдек, мумкин бўлган вариантлардан яна бири - бу Буффон ўз фаолиятини бошлаган "Парма" ҳисобланади.
Манбага кўра, "Барселона" Буффонга жамоанинг иккинчи дарвозабони бўлишни таклиф қилган, аммо футболчи рад жавобини берган. Буффон мавсумнинг катта қисмини захира ўриндиғида ўтказишни истамайди ва унга кўпроқ ўйин вақти берадиган клуб топишини кутмоқда.