Хамес Родригез Америка Кубогида Колумбия терма жамоаси таркибида ўйнамаётгани ҳақида гапирди.
"Мен яхши формада эканлигимни ва Америка кубогида ўйнашим кераклигини аниқ айта оламан. Мураббийлар штаби қарор қабул қилди, лекин мен улар билан эмасман, чунки улар менга нисбатан ҳурматсизлик билан қарашган.
Агар мураббий менга: "Мен сизга ишонмайман, чунки сизни футболчи сифатида ёқтирмайман", - деса, бу бошқа масала бўлади. Бундай ҳолатда, мен индамай қўяр эдим ва кетар эдим”, - деди Хамес Инстаграмда жонли эфирда.
Эслатиб ўтамиз, Колумбия терма жамоаси мураббийлар штаби футболчини ёмон формаси туфайли мусобақага чақирмаган эди.
