"Барселона" ёзги трансферлар ойнаси пайтида "Ювентус" ҳимоячиси Маттейс Де Лигтни сотиб олмоқчи.
Манбага кўра, 21 ёшли голландиялик футболчи каталонияликларнинг асосий трансфер мақсадларидан бирига айланган. "Барселона" Де Лигтни арзонлаштирилган нархда сотиб олмоқчи.
Хабар қилинишича, "Ювентус" футболчи билан хайрлашишни режалаштирмаяпти ва Туриннинг бош мураббийи Массимилиано Аллегри унга жамоада асосий ролни бермоқчи.
Эслатиб ўтамиз, Де Лигт 2019 йилда "Аякс"дан 75 миллион евро эвазига "Ювентус"га ўтган ва 2024 йилгача шартнома имзолаган эди. Якунланган мавсумда ҳимоячи 36та учрашувда битта гол урди ва битта голли пас берди.
