"Копа Америка" турнирининг кеча "А" гуруҳида икки ўйини ўз якунига етди. Тошкент вақти билан 14 июньдан 15 июньга ўтар кечаси эса "Б" гуруҳидан ўрин олган яна иккита баҳс бўлиб ўтади.
Биринчи бўлиб, Месси бошчилигидаги Аргентина терма жамоаси Чилига қарши 02:00да майжонга чиқади. 3 соат ўтиб, яъни эртага тонгда Боливия ҳамда Парагвай терма жамоалари ўртасидаги баҳслар ҳам старт олади.
Эслатиб ўтамиз, ушбу турда Перу ва Уругвай терма жамоалари дам олди. Ҳар бир гуруҳда 5 тадан жамоа қатнашаётгани сабабли, гуруҳлардан ҳар турда бир терма дам олишига тўғри келмоқда.
