«Сандерленд» бош мураббийи Мартин О'Нил, 23-турда «Норвич» устидан қозонилган ғалабадан сўнг жамоаси ўйини ҳақида фикр билдирар экан, вақти- вақти билан «қора мушуклар» ажойиб ўйин намойиш этганини таъкидлаб ўтди.
«Биз ғалабага муносиброқ эдик ва ишончли тарзда зафар қучдик. Кэмпбеллнинг ажойиб голи бизга эркинроқ ўйнаш учун имкон яратди. Ўйинда киритилган уччала гол ҳам жуда чиройли чиқди. Вақти-вақти билан «Сандерленд» жуда ҳам чиройли ва ажойиб ўйин намойиш этганини таъкидлаш лозим. Ғалабага эришиш албатта ёқимли, лекин мени бугун жамоам кўрсатган ўйин ҳам қувонтирди», — деди мутахассис.