Лондон-2012 саралаш босқичининг Осиё ва Африка қитъалари ўртасидаги плей-офф баҳси фақат битта ўйиндан иборат бўладиган бўлди. Ўйин 23 апрель куни нейтрал майдон — Англиянинг Ковентри шаҳрида бўлиб ўтади. ФИФА шундай қарор чиқарди.

Африкада Сенегал олимпия терма жамоаси плей-офф босқичида ўйнаш ҳуқуқини қўлга киритган бўлса, Осиёда ҳали саралаш баҳслари давом этмоқда. Учта гуруҳ ғолиблари тўғридан-тўғри йўлланмага эга бўлишса, гуруҳларда 2-ўринни олган жамоалар плей-офф йўлланмаси учун кураш олиб борадилар. Бир даврадан иборат ўйинлар Вьетнамда бўлиб ўтади.

Олимпиада йўлланмасини қўлга киритган терма жамоалар (қитъалар бўйича)
Африка
Габон, Марокаш, Миср, (Сенегал?)

Европа
Испания, Швейцария, Беларусь

Жанубий Америка
Бразилия, Уругвай

Шимолий Америка
Саралаш ўйини 22 мартдан 2 апрелгача АҚШда бўлиб ўтади. 8та жамоа 2та гуруҳга бўлинади. Гуруҳда 1 ва 2-ўринни эгаллаган жамоалар ярим финалда тўқнаш келадилар. Финалчилар олимпиадада иштирок этиш ҳуқуқига эга бўладилар.

Океания
Саралаш мусобақаси 12-17 март кунлари Фижи оролларида бўлиб ўтади. Мусобақа иштирокчилари: Америка Самоаси, Кука ороллари, Фижи, Янги Зеландия, Папуа Янги Гвинея, Самоа, Соломон ороллари, Тонга, Вануату. Фақат ғолиб Олимпиаданинг финал босқичида иштирок этади.

Осиё
Саралаш мусобақаси ҳақида яхши маълумотга эгасиз.