Француз футболчиси Пол Погба Германия терма жамоаси билан ўйиндан сўнг матбуот билан суҳбатлашди. Французлар Евро-2020 гуруҳ босқичининг биринчи турида немисларни минимал ҳисобда мағлуб этишди.
"Яхши жамоавий ўйин - бу муваффақият калити. Агар шерикларим бўлмаса яхши ўйнамаган бўлардим. Улар ҳам худди шундай дейишади. Жамоа ҳаммасидан устун. Ҳар биримиз жуда яхши иш қилдик ва ғалабага ўз ҳиссамизни қўшдик. Биз жаҳон чемпионлари номига мос келишимиз керак. Буни жуда яхши тушунамиз. Биз биргаликда ҳужум қиламиз, биргаликда ҳимояланамиз, қурбон бўламиз, бардош берамиз ва ўйинни биргаликда қурамиз", дейди Пол Погба.
