Данияликлар ҳал қилувчи учрашувга тайёргарлик кўришмоқда.
Дания терма жамоаси бош мураббийи Каспер Юлманд Евро-2020мусобақасида Белгияга (1:2) қарши ўйин натижаларини сарҳисоб қилди.
“Мен бу йигитларга ва ушбу мухлисларга бўлган ҳурматимни таърифлаш қийин. Биз атрофимиздагиларнинг, бутун стадионнинг улкан қўллаб-қувватлашини ҳис қилдик. Бу жамоа ҳам жуда ҳамжиҳат. Ушбу учрашувдан кўп нарсаларни ўрганишимиз мумкин.
Мен аллақачон Россияга қарши ўйин ҳақида ўйлаяпман. Биз ушбу турнирда саёҳатимизни ҳали тугатмадик ва русларни мағлуб этиш учун қўлимиздан келганича ҳаракат қиламиз ", - деди Юлманд УЕФА веб-сайтига берган интервьюсида.
