Голландия терма жамоаси ҳимоячиси Маттиас де Лигт Австрияга қарши ўйиндан сўнг фикр билдирди ва ўзини "Аякс" футболчиси деб атади. Аммо, голландиялик ўтган икки мавсумни Туриннинг «Ювентус» клубида ўтказган.
- Бугун тез-тез узун паслар билан ўйнашимиз керак эди. Менга "Аякс" футболчиси сифатида доим шундай ҳаракат қилиш ғалати, - деди де Лигт NOS эфирида.
- Сиз "Ювентус"да ўйнайсиз, - журналист футболчининг сўзини тўхтатди.
"Ҳа,"Аякс"нинг собиқ футболчиси сифатида" деди де Лигт юзида табассум билан.
Эслатиб ўтамиз, Голландия терма жамоаси Австрияни 2:0 ҳисобида мағлубиятга учратди ва "С" гуруҳида биринчи ўринни қўлга киритди.
