Мадриднинг «Реал» клуби форвард Лука Йовични кейинги трансферлар учун маблаг тўплаш мақсадида сотишни режа қилган.
Ўтган мавсумни Лука Франкфуртнинг «Айнтрахт» жамоасида ижарада ўтказди. AS нашрининг хабарига кўра, немис клуби сербиялик ҳужумчининг ижарасини узайтирмоқчи ва ҳатто сотиб олишни ҳам мўлжал қилган. Аммо бунинг учун клуб асосий форварди Андре Силвани сотиши талаб этилади.
Қайд этилишича, Силвага «Манчестер Юнайтед» ва «Челси» қизиқиш билдирмоқда, аммо сўралаётган 40 миллион евро бу клубларни ушбу трансфердан четлаштириши мумкин.