Бугун Аҳмад Қодиров хотирасига бағишлаб ўтказилаётган мусобақанинг 3-ўрин учун ва финал ўйинлари бўлиб ўтадиган кун.

Яқиндагина "Терек" ва "Нефтчи" жамоалари ўртасидаги баҳс якунланди. Унда бокуликлар россиялик рақибларини 3:0 ҳисобида мағлубиятга учратиб, мусобақанинг 3-ўрнини эгаллашди.

Баҳодир Насимов бу ўйинда гол урмаган бўлсада, жамоасининг иккинчи голига ҳаммуаллифлик қилди. У икки нафар "Терек" футболчисини алдаб ўтиб, Имамвердиевни тўп билан таъминлади.

Насимов ҳисобида 4та гол мавжуд. "Металлист" футболчиси Марко Девич эса шу кунгача 3та гол урган. "Металлист" ва "Рапид" ўртасида финал баҳси эса соат 20:00 (Тошкент вақти билан)да бошланади.

Станислав Черчесов: — "Бугун "Терек"да кўп имкониятлар бўлди, аммо улардан фойдаланишда оқсадик. Тўп икки марта дарвоза устунига тегди. Бугун "Нефтчи" кучлироқ ўйнади, мен улардан шундай ўйин кутгандим. Балки менинг жамоам финалга чиқа олмаганидан ҳафсаласи пир бўлгандир. Нима бўлганда ҳам бугун "Нефчи" ҳақли ғалабага эришди".

Аҳмад-ҳожи Қодиров хотира турнири
3-ўрин учун баҳс
"Терек" - "Нефтчи" - 0:3
Голлар: Георгиевски, 17 (1:0), Имамвердиев, 47 (2:0), Гусейнов, 66 (3:0)