Рим шаҳри маъмурияти Италия чемпионати 22-туридан ўрин олган ва эртага, 5 февраль куни бўлиб ўтиши керак бўлган «Рома» ва «Интер» ўртасидаги учрашувни қолдириш ҳақида қарор қабул қилди. Бу ҳақда «La Gazzetta dello Sport» нашри хабар бермоқда.
Бунга сабаб — бугун, 4 февраль куни эрталабдан Италия пойтахтига ёпирилган кучли қорбўрони.
Эслатиб ўтамиз, учрашув дастлабки режага кўра маҳаллий вақт билан 20:45да ўтказилиши керак эди, аммо Лига раҳбарияти ўйинни 15:00га (Тошкент вақти билан 19:00га) кўчириш ҳақида қарор қабул қилганди.
Яқин вақт ичида учрашув қайси куни ўтказилиши ҳақида қарор қабул қилинади. Маълумот ўрнида айтиш жоиз, шу турдан ўрин олган «Чезена» – «Катания» ўйини ҳам айнан об-ҳаво ноқулайлиги сабаб қолдирилганди.