"Барселона" ва Аргентина терма жамоаси собиқ футболчиси Хавьер Маскерано ўз твиттер саҳифасида Мессини рекорди билан табриклади.
"Мессини Аргентина терма жамоасидаги янги рекорди билан табриклайман".
"Бизнинг миллий терма жамоамизда энг кўп ўйинларга эга бўлган афсона ва футболчи бўлишни давом эттиришга ундан бошқа футболчини лойиқ деб ҳисобламайман.
Жамоани ғалаба билан табриклайман ва бу каби ғалабалар давомий бўлишини тилаб қоламан", - деди Маскерано.
Эслатиб ўтамиз, бугун тонгда Аргентина терма жамоаси Парагвайни мағлуб этди ва бу учрашуда Лео терма жамоадаги ўйинлари сонини 147тага етказиб қўйиб, Маскеранонинг рекордини янгилади.
