«Рома» бош мураббийи Жозе Моуриньо «Айнтрахт Франкфурт» футболчиси Филипп Костични сотиб олмоқчи. Музокаралар аллақачон бошланган. Бу ҳақда инсайдер Жанлука Ди Марцио хабар бермоқда.
Жозе сербиялик ҳужумчини анчадан бери кузатиб келади. У Костичнинг римликлар ҳужумини сифат жиҳатидан кучайтиришига ишоняпти.
«Бўрилар» Костич учун тахминан 15 миллион евро тўлашига тўғри келади. Филиппнинг немислар билан шартномаси икки йилдан сўнг ўз якунига етади.
Бундеслиганинг сўнгги мавсумида сербиялик футболчи «Айнтрахт» таркибида тўртта гол урди ва 14 та голли узатмани амалга оширди.
