Журналист Фабрицио Романо хабарига кўра, «Манчестер Юнайтед» ва Дортмунднинг «Боруссия» клублари вингер Жейдон Санчо трансфери бўйича музокараларни давом эттирмоқдалар.

Инглиз клуби 21 ёшли англиялик учун бонуслар билан бирга 85 миллион евро тўлашга тайёрлиги тўғрисида «асаларилар» раҳбариятига хабар берди.

Маълум бўлишича, «Боруссия» бонуслардан ташқари 95 миллион олишни истамоқда. Футболчининг ўзи «Манчестер Юнайтед»га ўтиш нияти борлигини яшириб ўтирмади.

Ўтган мавсумда Санчо Бундеслигада 26 учрашув ўтказиб, 8 гол ва 11 та голли пас муаллифига айланганди.