L'Esportiu хабарига кўра, ярим ҳимоячи Филиппе Коутиньо ушбу мавсумда "Барселона"ни тарк этмайди. Каталония клубига бразилиялик трансфери бўйича ҳеч қандай таклифлар бўлмади.
Эслатиб ўтамиз, "Барселона" ҳали ҳам 29 ёшли бразилиялик учун "Ливерпуль"га 50 миллион евро тўламаган. 2018-йилда клублар унинг трансфери бўйича 120 миллион евро евазига келишиб олишганди, бонуслар туфайли бу миқдор 160 миллион еврога кўпайиши мумкин.
"Барса" раҳбарияти Коутиньони камида 50 миллион еврога сотмоқчи. Ўтган мавсумда бразилиялик Ла Лиганинг 12 ўйинида 2 та гол урди ва 2 та голли пас берди.
