Кириш Регистрация

Франциялик мухлислар Будапешт ва Бухарест шаҳарлари фарқига боришмади

Баҳо:
+ | -

Бир гуруҳ франциялик мухлислар Франция терма жамоасининг Европа чемпионати 2-тури доирасида 19 июнь куни бўлиб ўтган Венгрияга қарши учрашувини стадионда томоша қилиш учун йўлга чиқишди, аммо улар бошқа шаҳарга бориб қолишди.

Олти нафар ишқибоз Венгрия пойтахти Будапештга эмас, Руминия пойтахти Бухарест шаҳрига чипта олишган бўлиб чиқишди. Улар буни аэропортда ҳам сезишмади. Руминия байроғи ва румин тили ҳам уларнинг "кўзини очмади". Фақатгина ўйин бошланишига бир неча соат қолганида улар ўз хатоларини тушуниб қолишди.

«Учрашувга бораётган мухлисларни биз венгрияликлар деб ўйлагандик ва уларнинг ортидан стадионга йўл олдик», — деди франциялик мухлислардан бири.

Улар терма жамоанинг Венгрияга қарши учрашувини (1:1) меҳмонхонада телевизор орқали томоша қилишди.

Манба: sport24.ru

Бу мухлислар Францияга қайтиб кетишдими ёки йўқми, билмадик, аммо "учранглилар" Евро-2020 нимчорак финал босқичи доирасида бўладиган Швейцарияга қарши баҳсни айнан Бухарестда ўтказадиган бўлишди. Олтовлон бу сафар Руминияга келишса, энди адашиб қолишмайди.

Киритилди: 23:02, 24.06.2021.
Ўқилди: 4648 марта.
Фикрлар: 1 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.