Наманганнинг “Навбаҳор” клубидаги фаолияти давомида Остон Ўруновга устозлик қилган россиялик мутахассис Андрей Канчельскис футболчининг «Спартак»даги келажаги борасида гапирди.

— Ўруновнинг келажагини қандай баҳолайсиз — Россия чемпионатида қоладими ёки Ўзбекистонга қайтадими?

— Ўрунов — яхши даражадаги футболчи. Ўйлайманки, «Спартак» унга мос келадиган жамоа эмас. Футболчи ўз доирасини ёки ўз жамоасини топа олмаса — йиқилиши мумкин. Шунинг учун, у клубини ўзгартириши керак. Унинг характер ва услубига кўпроқ ЦСКА ва «Локомотив» жамоалари мос келади.

У ернинг шахслари ва мураббийлари ҳам унга ҳам футболга эътибор қарата олиши мумкин, — дейди Канчельскис Матч ТВ журналисти билан суҳбатда.

Олдинроқ “Уфа” бош директори Шамиль Газизов башкирликлар Ўруновни сотиб ололмаслиги ҳақида маълум қилган эди. Ўруновнинг ўзи эса «Спартак»нинг Австрияда бўлиб ўтган мавсумолди тайёргарлик жараёнида қатнашмаяпти ва «Спартак-2» сафида шуғулланмоқда.

Эслатиб ўтамиз, Ўрунов москваликлар сафига 2020 йилнинг август ойида қўшилган эди.