Sky Germany хабарига кўра, «Бавария» яримҳимоячиси Леон Горецка клубдан кетиши ҳақида ўйламоқда.
Мюнхенликларнинг янги шартнома борасидаги таклифлари футболчини қониқтирмади. Немиснинг жамоа билан амалдаги келишуви бир йилдан сўнг ўз ниҳоясига этади, шу сабабли «Бавария» футболчини ёзда сотиб юборишни режа қилган. Леон аллақачон агентига янги клуб топишни буюрган.
Хабар қилинишича, 26 ёшли яримҳимоячини «Барселона» сотиб олмоқчи. Ўтган мавсумда Горецка Бундеслиганинг 24 учрашувида 5 та гол ва 5 та голли пасни амалга оширди.
