Бугун Лондон олимпиадаси III саралаш босқичида «А» ва «С» гуруҳларида яна икки учрашув яякунланди.

«А» гуруҳида Доҳада Қатар олимпиячилари уммонлик тенгдошлари билан дуранг имзолашди. Уммонликлар 88-дақиқада пенальтидан фойдаланишганда сафардан ғалаба билан қайтган бўлишарди ҳам.

Эслатиб ўтамиз, Масқат шаҳрида бўлиб ўтган аввалги учрашувда ҳам 1:1 ҳисоби қайд этилган, бироқ қатарликлар дисквалифакция қилинган Абдулазиз Ҳотамнинг хизматларидан фойдаланганликлари учун уммонликларга 3:0 ҳисобидаги техник ғалаба тақдим этилган эди.

Саудия Арабистони – Жанубий Корея олимпиячилари ўртасида кечаётган гуруҳдаги иккинчи учрашув ҳамон давом этмоқда.

Баҳрайнлик олимпиячилар Малайзия устидан 2:1 ҳисобида ғалаба қозониб, 6 очко тўплашди ва гуруҳдаги имкониятларини бироз яхшилашди. Эслатиб ўтамиз, бу гуруҳда сурия ва Япония терма жамоалари 4 та учрашувдан сўнг 9 тадан очко жамғаришган. Малайзия эса курашни тўхтатди – 0 очко.

ҚАТАР (U23) – УММОН (U23) 2:2 (1:1)
Голлар: Фаҳад Халфан (26), Ҳасан ал-Ҳайдос (87-пен.) — Абдулазиз ал-Мақрабий (33), Солиҳ ал-Мусаломий (77)
Фойдаланилмаган пенальти: Қосим Ҳардан (88) — Уммон.

БАҲРАЙН (U23) – МАЛАЙЗИЯ (U23) 2:1 (1:0)
Голлар: Муҳаммад ал-Алауий (25), Ҳуссайн ал-Фарҳан (89) — Аҳмад Бакри (85)