Нидерландия терма жамоаси бош мураббийи Франк де Бур "Бавария" ва "Реал"нинг миллий терма жамоа ҳимоячиси Дензел Дюмфрисга қизиқиши ҳақида гапирди. Футболчи икки марта Евро-2020 гуруҳ босқичидаги учрашувнинг энг яхши ўйинчисига айланди.
"Дензел ушбу турнирда ўзини яхши кўрсатмоқда. Ҳамма ўзининг энг яхши томонини кўрсатишни хоҳлайди. Бу ҳамма учун жуда яхши. Миш-мишлар тарқалганда, бу яхши, Дензел буни уддалай олишига аминман. У нима учун бу ерда эканлигини билади", - дейди Де Бур.
Ўтган мавсумда 25 ёшли "ПСВ" ҳимоячиси 41 та учрашув ўтказиб 4 та гол уришга муваффақ бўлди. Трансфермаркт портали футболчининг қийматини 16 миллион еврога баҳоламоқда.
