Футбол тарихи ва статистикаси халқаро федерацияси (IFFHS) 2001 йилдан бошлаб, ҳар йили ўтказиб келаётган сўровга кўра жаҳоннинг энг яхши мураббийсини аниқлаб боради.
Сўров ҳар гал ўтказилганда илгариги натижалар қўшиб борилади ва маълум бир вақт учун асримизнинг энг яхши мураббийлари рейтинги тузилади. Ҳозирги кунга келиб, 2001 йилдан 2011 йилгача бўлган натижалар қўшилганда шотландиялик мутахассис, «Манчестер Юнайтед» мураббийи сэр Алекс Фергюсон рейтингда биринчи ўринни эгаллаб турибди.
Иккинчи ўринда Лондон «Арсенал»ининг француз мураббийси Арсен Венгер бўлса, учинчи ўринни Мадрид «Реал»ини бошқараётган Жозе Моуриньо эгаллаган.
