Германиялик ҳакам Феликс Брих Украина ҳамда Англия жамоалари ўртасидаги Европа чемпионати чорак финалидан ўрин олган учрашувни бошқариб боради. Бу ҳақда УЕФА матбуот хизмати хабар бермоқда.
Дания - Чехия баҳси эса голландиялик Бьорн Кейперс ва унинг ёрдамчиларига ишониб топширилди. Россиялик ҳакам Сергей Карасёв ушбу учрашувнинг захира ҳаками бўлади.
Дания ва Чехия терма жамоалари 3 июль куни (21:00) ўйнайди. Худди шу оқшом украин ва инглизлар ҳам Евро ярим финалига чиқиш учун кураш олиб боришади (00:00).
