Ливиялик футболчи дунёда ҳафтанинг энг яхши футболчиси деб топилди. Ўтган ҳафта Теҳрон дербисида «Истиқлол» ва «Персеполис» клублари ғолиблик учун ўзаро баҳс олиб борган эди. «Истиқлол» 2-0 ҳисобида олдинга чиққан бир пайтда «Персеполис»нинг ливиялик легионери Эамон Зайед 10 дақиқа ичида 3 та гол киритиб, ғалабани ўз клуби томон оғдиришнинг уддасидан чиққан эди. Ҳам сафарда тўп сурган, ҳам бир киши кам бўлган «Персеполис»нинг бу ғалабаси тарихий ғалабалардан бири сифатида тарихга кирди. Goal.com сайти ўйинда хет-трикка эришган Зайедни ўтган ҳафтанинг дунё миқёсидаги энг яхши футболчиси деб топди. «Персеполис» клубини туркиялик таниқли мураббий Мустафо Денизли бошқармоқда.