Бельгия миллий жамоаси бош мураббийи Роберто Мартинес Евро-2020 1/4 финалидан ўрин олган Италияга (1:2) қарши ўйиндан сўнг ўз фикрларини билдириб ўтди.
«Чуқур қайғу. Ушбу футболчилар турнирни бу тариқа тарк этишга лойиқ эмасдилар.
Рақибни табриклайман. Биринчи бўлимда Италия ўйинга яхшироқ мослашди. Иккинчи бўлимда ҳисобни тенглаштириш учун имкониятлар яратдик. Иккинчи гол бизга мотивация берган бўларди.
Миллий жамоада қолиш ёки қолмаслигим — бундай лаҳзада қийин савол. Жуда ҳам хафаман. Ҳис-туйғуларим ҳақида гапиришни хоҳламайман. Ўйиндан кейин бундай саволларни муҳокама қилишга эрта», — дея испаниялик мутахассиснинг сўзларини келтиради HLN.
