Belgiya milliy jamoasi bosh murabbiyi Roberto Martines Yevro-2020 1/4 finalidan o‘rin olgan Italiyaga (1:2) qarshi o‘yindan so‘ng o‘z fikrlarini bildirib o‘tdi.
«Chuqur qayg‘u. Ushbu futbolchilar turnirni bu tariqa tark etishga loyiq emasdilar.
Raqibni tabriklayman. Birinchi bo‘limda Italiya o‘yinga yaxshiroq moslashdi. Ikkinchi bo‘limda hisobni tenglashtirish uchun imkoniyatlar yaratdik. Ikkinchi gol bizga motivasiya bergan bo‘lardi.
Milliy jamoada qolish yoki qolmasligim — bunday lahzada qiyin savol. Juda ham xafaman. His-tuyg‘ularim haqida gapirishni xohlamayman. O‘yindan keyin bunday savollarni muhokama qilishga erta», — deya ispaniyalik mutaxassisning so‘zlarini keltiradi HLN.
