"Ливерпуль" ва "Арсенал" "Лилль"нинг португалиялик ярим ҳимоячиси Ренату Санчесга қизиқиш билдирмоқда, деб хабар беради L'Equipe.
Манбага кўра, Англия клублари ёзги трансферлар вақтида футболчини сотиб олиш вариантини кўриб чиқмоқда. Ярим ҳимоячи Евро-2020да яхши натижа кўрсатди ва топ-клубларнинг эътиборини тортди. "Лилль" футболчисини сотишга тайёр, чунки клуб молиявий муаммоларни бошдан кечирмоқда.
Ўтган мавсум 23 ёшли Санчес "Лилль" сафида барча мусобақаларда 29 ўйин ўтказиб, битта гол урди ва тўртта голли пас берди. Унинг клуб билан шартномаси 2023-йилнинг ёзигача амал қилади.
