Гарет Саутгейт жамоасининг Европа чемпионатидаги навбатдаги ғалабаси ҳақида фикр билдирди. Англия Украинани мағлуб этди - 4:0. Мураббий захирадаги футболчилардан хавотирда. Унга футболчиларни захирада ушлаб туриш тобора қийинлашмоқда.
"Футболчилар жуда зўр. Босимга қарамай яхши ўйнадик. Жамоа психологик жиҳатдан ажойиб кўринишда. Энди ўйнамайдиганлар ҳақида қайғуриш учун кўпроқ куч сарфлайман. Уларнинг барчаси таркибда бўлишга лойиқ футболчилар ҳисобланади. Футболчиларимиз машғулотларда борларини беришмоқда.", - деди мураббий.
Англия ярим финални 7-июль куни Данияга қарши ўтказади. Жамоа 1996-йилдан бери биринчи марта катта мусобақада кучли тўртликка кирди.
