Бироз аввалроқ «ПСЖ»нинг тажрибали посбони Кейлор Навас Жанлуиджи Доннарумма трансферидан кейин ҳам жамоанинг асосий дарвозабони бўлиб қолиши ҳақида хабар берган эдик.
Манбаларда таъкидланишича, бунга сабаб қилиб Доннарумманинг янги раҳбарият билан келишуви назарда тутилмоқда. Яъни Жижи Парижга келишидан олдин катта маош ва ўйин амалиёти турганда пулни танлаган. Энди у захира дарвозабони бўлишга мажбур.
Эслатиб ўтамиз, Доннарумма «ПСЖ»га эркин агент сифатида келиб қўшилди. Унинг Париждаги шартномаси 2026 йилгача амал қилади. Жижи бир мавсум учун 12 миллион евро маош олиши кўзда тутилган.
