Италия футболчиси Федерико Кьеза Испания терма жамоаси билан ўйиндан сўнг интервью берди. Италия пенальтилар сериясида испанларни мағлубиятга учратди ва Европа чемпионати финалига йўл олди.
“Мен ҳис-туйғуларимни сўз билан тасвирлаб беролмайман. Бу қийин ўйин эди. Испания жуда зўр эди, лекин биз бу ерга 11-июль куни финал ўйинига чиқиш учун келгандик. Шунга қарамай, испанлар ажойиб ўйин кўрсатди, аммо биз охиригача курашдик ва ғалаба қозонишга муваффақ бўлдик. Локателли биринчи пенальтини уролмаган бўлса ҳам, ҳамма хотиржам эди, биз ғалаба қозонишимиз мумкинлигини айтдик ва якунда бунга эришдик", - деди Федерико.
