«Сассуоло» футболчиси Мануэль Локателли янги мавсумни бошқа жамоа сафида давом эттириши мумкин. Айни пайтда италиялик футболчига иккита клуб жиддий қизиқиш билдирмоқда. Булар — «Ювентус» ва «Арсенал». Инсайдер Фабрицио Романонинг сўзларига кўра, Лондон клубига қараганда, «Юве»да Локателлини сотиб олиш имконияти юқорироқ. Сабаби, футболчининг ўзи «кекса синьора» сафида ўйнашни хоҳламоқда. Шунинг учун, «Арсенал» варианти фақатгина, Турин клуби ва «Сассуоло» ўртасида келишувга ижобий якунланмаса, кўриб чиқилади.













