"Барселона" ҳимоячиси Самуэль Умтити фаолиятини каталонияликлар сафида давом эттириш борасидаги фикрини ўзгартирди.

Олдинроқ, испан жамоаси французга энди ишонмаслиги ҳақида хабар бериб, унга турли хил вариантларни таклиф қилди: ижарага берилишдан тортиб шартномани бекор қилишгача. Лекин Умтити "Барса"дан кетишни истамади ва агар шартнома бир томонлама бекор қилинса, ФИФА билан боғланмоқчи эди.

Энди 27 ёшли футболчи ижарага кетишни ўйлашга тайёр, деб хабар беради Diario Sport. Умтити шартноманинг бекор қилинишини истамайди, шунингдек, клубни судга бермоқчи эмас.

Энди "Барса" ва ҳимоячининг агенти ижаранинг мумкин бўлган вариантларини ўрганиб чиқади.