Келгуси ҳафтада Бразилияда ҳукуматнинг махсус тузилган комиссияси йиғилиб, ЖЧ-2014 мобайнида стадионларда алкоголли маҳсулотлар савдоси ҳақида қонун қабул қилади.

Бразилияда алкоголь маҳсулотлари рекламаси ва стадионларда бундай маҳсулотларни истеъмол қилишга тақиқ жорий қилинган бўлиб, бу ҳол «тажовузкорлик актларини содир этишга мойиллик туғдириши» билан изоҳланган. Шу сабабли стадионларда алкоголь савдосига фақат турнир ўтаётган вақтда рухсат берилади.

Ҳукуматнинг бундай ён беришига сабаб — ФИФАнинг бош ҳомийларидан бири пиво ишлаб чиқарувчиси эканлиги. «Биз бир неча музокараларни ўтказдик ва фақат жаҳон чемпионати ўтаётган даврда пиво савдосига рухсат беришга қарор қилдик», — дея ҳукумат депутатларидан бири Ренан Фильюнинг сўзларини келтирмоқда «O Globo».