«Лацио» клуби бош мураббийи Маурицио Сарри «Рома» бош мураббийи Жозе Моуриньо ҳақида гапирди.
«Мен Моуриньода иккиюзламачиликни кўрмаяпман. У билан учрашган эдим, у ажойиб характерга эга инсон. Менга Жозе ҳанузгача ёқади.
У мендан анча кўп ғалаба қозонган, эришган ютуқлари ҳам мендан яхшироқ, лекин бу ҳеч нарсани англатмайди.
Дербида биз майдонда ғалаба қозониш учун қўлимиздан келганини қиламиз», - деди Сарри.
Эслатиб ўтамиз, «Лацио» ва «Рома» ўртасидаги Рим дербиси дунё футболидаги энг муҳим қарама-қаршиликлардан бири ҳисобланади.
