Америка кубогида бугун 3-ўрин учун ўйин бўлиб ўтди. Колумбия терма жамоаси Перу устидан қийин ғалабага эришди.

Биринчи бўлимда перуликлар ажойиб ўйин кўрсатиб, яратилган 3та вазиятнинг биттасидан унумли фойдаланишди. Колумбияликлар эса иккинчи бўлимда 2та гол уриб, олдинга ўтиб олишди. Баҳс тугашига 8 дақиқа қолганида Перу мувозанатни тиклашди. Учрашувга қўшиб берилган 4-дақиқада эса Луис Диас ғалаба тўпини киритиш билан бирга, ўйинда дублни расмийлаштирди.

Колумбия терма жамоаси ўз тарихида бешинчи марта (1987, 1993, 1995 ва 2016) Копа Американинг бронза медалини қўлга киритди.

Мусобақа финалида Аргентина ва Бразилия терма жамоалари тўқнаш келишади. Ўйин эрта тонгда бўлиб ўтади.

Америка кубоги, 3-ўрин учун ўйин
Колумбия – Перу 3:2 (0:1, 3:1)
Голлар: 0:1 – 45 Йотун, 1:1 – 49 Куадрадо, 2:1 – 66 Диас, 2:2 – 82 Лападула, 3:2 – 90 Диас.
Колумбия – Варгас, Медина, Мина (Санчес, 55), Мурильо, Тесильо, Куадрадо, Барриос (Муриэль, 90), Куэльяр (Борре, 83), Диас, Кардона (Чара, 46), Сапата (Борха, 55).
Перу – Гальесе, Корсо (Лора, 78), Сантамария, Кальенс, Лопес, Тапия (Картахена, 24), Йотун, Каррильо, Пенья (Орменьо, 78), Куэва (Гарсия, 69), Лападула.
Огоҳлантиришлар: Кардона (45), Куэва (50), Барриос (62), Каррильо (63), Мурильо (87).