«Барселона» ҳужумчиси Антуан Гризманн «Атлетико Мадрид»га қайтиши мумкин, деб хабар беради Mundo Deportivo.
Газетанинг ёзишича, бундай ўтиш «матрасчилар» ярим ҳимоячиси Саул Ньигезга алмашинув доирасида бўлиши мумкин.
Испанияликнинг бозор қиймати 40 миллион еврога, француз эса 60 миллионга баҳоланмоқда.
Гризманн 2014 йилдан 2019 йилгача «Атлетико»да ўйнаган. Энди «Барса» Лионель Мессининг янги шартномаси учун қўшимча пул олиш учун Антуан билан хайрлашишга тайёр.
Саулга келсак, у карьерасини янги жамоада давом эттирмоқчи.
Эслатиб ўтамиз, аввалроқ Англиянинг «Ливерпуль» унга қизиқиш билдирган эди.
