«ПСЖ»нинг янги аъзоси Серхио Рамос француз журналистлари билан суҳбатлашди. Ҳимоячи уни улкан лойиҳа ўзига жалб қилганини барчага ошкор қилди.
«Мен ҳаммасини янгидан бошламоқчиман, камтарлик билан бўлсада энди бизнесга киришиш ниятим бор. Парижда ажойиб футболчилар билан ўйнашим мумкинлигини ҳис қилдим. Бу фақат ғалабалар учун созланган клуб.
Футболда натижага таъсир қилувчи кўплаб омиллар мавжуд. Қандай қилиб ғалаба қозониш ҳақида ўйлашимиз ва бунинг учун бор кучимизни беришимиз керак, «ПСЖ»да эса буни уддалаш осон» - дейди футболчи.
